കരിങ്ങാച്ചിറ സെന്റ് ജോര്‍ജ് കത്തീഡ്രലില്‍ വൃശ്ചികം 20 പെരുന്നാള്‍ ഇന്ന് തുടങ്ങും

കരിങ്ങാച്ചിറ: സെന്റ് ജോര്‍ജ് യാക്കോബായ സുറിയാനി കത്തീഡ്രലില്‍ വൃശ്ചികം 20 പെരുന്നാളും തമുക്കുനേര്‍ച്ചയും ഒന്ന്, രണ്ട്, മൂന്ന് തീയതികളില്‍ ആഘോഷിക്കും. ഒന്നിന് 7.30ന് കൊച്ചി ഭദ്രാസന മെത്രാപ്പോലീത്ത ജോസഫ് മാര്‍ ഗ്രിഗോറിയോസിന്റെ കാര്‍മികത്വത്തില്‍ കുര്‍ബാന, 8.30ന് പെരുന്നാള്‍ കൊടിയേറ്റ്, വൈകീട്ട് ഏഴിന് യൂത്ത് അസോസിയേഷന്‍ വാര്‍ഷിക സമ്മേളനം, 7.30ന് ഫാ. നെല്‍സണ്‍ ജോബിന്റെ വചന പ്രഘോഷണം. തുടര്‍ന്ന് കലാപരിപാടികള്‍. രണ്ടിന് രാവിലെ 8.30ന് കുര്യാക്കോസ് മോര്‍ ഈവാനിയോസ് മെത്രാപ്പോലീത്തയുടെ മുഖ്യകാര്‍മ്മികത്വത്തില്‍ മൂന്നിന്‍മേല്‍ കുര്‍ബാന, വൈകീട്ട് നാലിന് മേമ്പൂട്ടില്‍ നിന്ന് പള്ളി ഉപകരണങ്ങള്‍ ആഘോഷമായി കത്തീഡ്രലിലേയ്ക്ക് കൊണ്ടുപോകും. ആറിന് തിരുവാങ്കുളം കുരിശുപള്ളിയിലേയ്ക്ക് പ്രദക്ഷിണം. പ്രധാന പെരുന്നാള്‍ ദിവസമായ മൂന്നിന് രാവിലെ ഏഴിന് കുര്‍ബാന, ഒമ്പതിന് ഡോ. കുര്യാക്കോസ് മോര്‍ തെയോഫിലോസ് മെത്രാപ്പോലീത്തയുടെ മുഖ്യ കാര്‍മ്മികത്വത്തില്‍ മൂന്നിന്‍മേല്‍ കുര്‍ബാന, 12ന് വഴിപാട് സാധന ലേലം, വൈകീട്ട് ആറിന് ചിത്രപ്പുഴ കുരിശുപള്ളിയിലേയ്ക്ക് പ്രദക്ഷിണം, തുടര്‍ന്ന് ആശീര്‍വ്വാദം.