പിറവം: സഭ വഴക്ക് രൂക്ഷമായി കൊണ്ടിരിക്കുന്ന വേളയില്‍ നടക്കുന്ന പിറവം ഉപതെരഞ്ഞെടുപ്പ് യു ഡി എഫ് നു അഗ്നി പരീക്ഷയാകും.യു ഡി എഫ് ഭരിക്കുന്ന സമയത്താണ് കക്ഷി വഴക്ക് രൂക്ഷമാകാറുള്ളത്. സാധാരാണ ഇടതു പക്ഷം ഭരിക്കുന്ന വേളയില്‍ ആരുടേയും പക്ഷം പിടിക്കാത്തത് കൊണ്ട് മെത്രാന്കക്ഷികള്‍ അതിക്രമത്തിനു മുതിരാറില്ല.കോലഞ്ചേരി പള്ളി പ്രശനം ഇത്ര രൂക്ഷമാകാന്‍ കാരണം യു ഡി എഫ് ഭരണത്തിന്റെ ഒത്താശയോടെ മെത്രാന്‍ കക്ഷികള്‍ നടത്തിയ ഗൂഡാലോചനയുടെ ഭാഗമാണന്നു യാക്കോബായ വിശ്വാസികള്‍ കരുതുന്നു. പിറവം മണ്ഡലത്തില്‍ ഉള്‍പ്പെട്ട സഭാ വഴക്ക് രൂക്ഷമായുള്ള മുളന്തുരുത്തി മാര്‍ത്തോമന്‍ കത്തീഡ്രല്‍,പിറവം വലിയ പള്ളി , മാമാലശ്ശേരി മാര്‍ മിഖായേല്‍ പള്ളി , വെട്ടിത്തറ മാര്‍ മിഖായേല്‍ പള്ളി, മുളക്കുളം പള്ളി, , ഓണക്കൂര്‍ സെഹിയോന്‍ പള്ളി തുടങ്ങിയ പള്ളികളുടെ നിലപാടുകള്‍ തെരഞ്ഞെടുപ്പില്‍ നിര്‍ണ്ണായകാമാണ്. ഓര്‍ത്തഡോക്സ് വിഭാഗം നാമ മാത്രമായ ഈ പള്ളികളില്‍ മഹാ ഭൂരിപക്ഷം വരുന്ന യാക്കോബായ സഭ കാലങ്ങളായി പീഡകള്‍ അനുഭവിക്കുകയാണ്. കോലഞ്ചേരി പള്ളി പ്രശനത്തില്‍ ഇനി സര്‍ക്കാര്‍ എടുക്കുന്ന തീരുമാനം ആശ്രയിച്ചിരിക്കും യാക്കോബായ സഭയുടെ അന്തിമ തീരുമാനം. അതേസമയം മാമാലശ്ശേരി മാര്‍ മിഖായേല്‍ പള്ളിയില്‍ യാക്കോബായ സഭയില്‍ നിന്നും കാലുമാറിയ വൈദീകര്‍ക്ക് പകരം വീതം അനുവധിക്കണമെന്നാവശ്യപെട്ട് ഉആക്കൊബായ സഭ ഇന്ന് വൈകിട്ട് 4 മണി മുതല്‍ പ്രാര്‍ത്ഥനാ യജ്ഞം ആരംഭിച്ചു കഴിഞ്ഞു. റിസീവര്‍ ഭരണത്തിലിരിക്കുന്ന പള്ളിയില്‍ ഓര്‍ത്തഡോക്സ് വിഭാഗം പുതിയ വൈദീകനെ നിയമിച്ചതാണ് തര്‍ക്കത്തിന് ഇപ്പോഴത്തെ പ്രശ്നങ്ങള്‍ക്ക് കാരണം. 460 വീട്ടുകാര്‍ യാക്കോബായ സഭയിലും കേവലം 30 വീട്ടുകാര്‍ ഓര്‍ത്തഡോക്സ് സഭയിലും ഉണ്ട്. ന്യൂന പക്ഷത്തിനു വേണ്ടി ഭൂരിപക്ഷം വരുന്ന യാക്കോബായ സഭയുടെ അവകാശങ്ങള്‍ ഇനിയും ബലികഴിക്കാന്‍ സഭ തയാറല്ല.രണ്ടു വീത യാക്കോബായ സഭയ്ക്കുടായിരുന്നത് തിരികെ ലഭിക്കുന്നത് വരെ സമരം തുടരാനാണ് യാക്കോബായ സഭയുടെ തീരുമാനം.വളരെ കുറഞ്ഞ വോട്ടുകള്‍ വിജയിയെ തീരുമാനിക്കുന്ന പിറവത്ത് ഈ പ്രശ്നവും യു ഡി എഫിന് തലവേദനയാകും. അതെ സമയം ടി എം ജേക്കബിന് പകരം അതെ കുടുംബത്തില്‍ നിന്നും ഉള്ള ആരെയെങ്കിലും മന്ത്രിയാക്കണമെന്നു യാക്കോബായ സഭയ്ക്ക് വേണ്ടി പരി.സുന്നഹദോസ് സെക്രട്ടറി അഭി. ജോസഫ്‌ മോര്‍ ഗ്രീഗോറിയോസ് മെത്രാപ്പോലിത്ത ആവശ്യപ്പെട്ടു.ടി എം ജേക്കബിന്റെ ഭാര്യ ഡെയ്സി ജേക്കബ്‌ മത്സരിക്കാന്‍ താല്‍പര്യമില്ലന്നറിയിച്ച സാഹചര്യത്തില്‍ സ്വാഭാവികമായും മന്ത്രി സ്ഥാനത്തേയ്ക്ക് മകന്‍ അനൂപ്‌ ജേക്കബിനെയായിരിക്കും പിന്തുണയ്ക്കുന്നത്‌.സഭയുമായി നല്ല ബന്ധം പുലര്‍ത്തുന്ന അനൂപ്‌ ജേക്കബ്‌ മത്സരിച്ചാല്‍ ഒരു പരിധി വരെ മറ്റു പ്രശ്നങ്ങള്‍ യു ഡി എഫി നു ഉണ്ടാകാന്‍ വഴിയില്ല. എങ്കിലും കോലഞ്ചേരി പള്ളിയിലെയും , മാമാലശ്ശേരി പള്ളിയിലെയും പ്രശ്നങ്ങള്‍ രമ്യമായി പരിഹരിച്ചില്ലങ്കില്‍ മാറി ചിന്തിക്കാന്‍ യാക്കോബായ സഭ നിര്‍ബന്ധിതമാകും.
No comments:
Post a Comment