തെക്കന്‍ പറവൂര്‍ യാക്കോബായ വലിയ പള്ളിയില്‍ കരോള്‍ കളക്ഷന്‍ അഞ്ചുലക്ഷത്തിലേറെ രൂപ

കൊച്ചി: തെക്കന്‍ പറവൂര്‍ മോര്‍ യൂഹാനോന്‍ മാംദാനാ യാക്കോബായ സുറിയാനി വലിയ പള്ളിയില്‍ നടന്ന ക്രിസ്‌മസ്‌ കരോളില്‍ കളക്ഷനായി 582388 രൂപ ലഭിച്ചു. ഇത്‌ യാക്കോബായ സഭയിലെ കേരളത്തിലെ പള്ളികളില്‍ ഏറ്റവും വലിയ കരോള്‍ കളക്ഷനാണെന്ന്‌ ഫാ. റിജോ നിരപ്പുകണ്ടം അറിയിച്ചു. കഴിഞ്ഞവര്‍ഷവും ഏറ്റവും കൂടുതല്‍ തുക കളക്‌ട് ചെയ്‌തതും ഈ പള്ളിയായിരുന്നു. 3.22 ലക്ഷം രൂപയായിരുന്നു കഴിഞ്ഞവര്‍ഷത്തെ കളക്ഷന്‍. 15 ദിവസം നീണ്ടുനിന്ന കരോള്‍ കോലഞ്ചേരി, ആലുവ, വൈക്കം തുടങ്ങിയ ദൂരസ്‌ഥലങ്ങളിലുള്ള ഇടവക വീടുകളിലും പോയിരുന്നു. 218 ഇടവക വീടുകളിലും 10 പുറംവീടുകളിലും പാടിയപ്പോഴാണ്‌ ഇത്രയും വലിയ കരോള്‍ കളക്ഷന്‍ ലഭിച്ചതെന്നതും ഈ പള്ളിയുടെ പ്രത്യേകതയാണ്‌