കോലഞ്ചേരി: കടമറ്റം സെന്റ്‌ ജോര്‍ജ്‌ യാക്കോബായ സുറിയാനി പളളിയുടെ ആഭിമുഖ്യത്തില്‍ ഇടവക സംഗമവും, കുടുംബയൂണിറ്റുകളുടെ റാലിയും നടത്തി. പെരുവംമുഴി കവലയില്‍ നിന്നും ആയിരങ്ങള്‍ പങ്കെടുത്ത റാലിയില്‍ നിശ്‌ചല ദൃശ്യങ്ങളുടേയും, വാദ്യമേളങ്ങളുടേയും അകമ്പടിയോടെ ആരംഭിച്ച റാലി ഇടവക സംഗമ സ്‌ഥലമായ ബസേലിയോസ്‌ പൗലോസ്‌ ദ്വിതീയന്‍ നഗറില്‍ സമാപിച്ചു. തുടര്‍ന്ന്‌ നടന്ന സമ്മേളനം വി.പി. സജീന്ദ്രന്‍ എം.എല്‍.എ. ഉദ്‌ഘാടനം ചെയ്‌തു. വികാരി ഫാ. ജോര്‍ജ്‌ കളപ്പുരയില്‍ അദ്ധ്യക്ഷത വഹിച്ചു. കണ്ടനാട്‌ ഭദ്രാസനാധിപന്‍ ഡോ. മാത്യൂസ്‌ മോര്‍ ഈവാനിയോസ്‌ മെത്രാപ്പോലീത്ത അനുഗ്രഹ പ്രഭാഷണം നടത്തി. വടവുകോട്‌ ബ്ലോക്ക്‌ പഞ്ചായത്ത്‌ പ്രസിഡന്റ്‌ സി.കെ. അയ്യപ്പന്‍കുട്ടി, ഐയ്‌ക്കരനാട്‌ പഞ്ചായത്ത്‌ പ്രസിഡന്റ്‌ എം.എസ്‌. രാജി, രാമമംഗലം, വാളകം പഞ്ചായത്ത്‌ പഞ്ചായത്ത്‌ വൈസ്‌ പ്രസിഡന്റുമാരായ ഷോബി എബ്രഹാം, ലിസി സാബു, മൂവാറ്റുപുഴ ബ്ലോക്ക്‌ പഞ്ചായത്തംഗം സാറാമ്മ ജോണ്‍, മര്‍ക്കോസ്‌ ചാലിയേലില്‍ കോര്‍ എപ്പിസ്‌കോപ്പ, ഫാ. യൂഹാനോന്‍ ബിനു കോഴിക്കോട്ട്‌, കെ.വി. പൗലോസ്‌, ട്രസ്‌റ്റിമാരായ ജോര്‍ജ്‌, ടി.ജെ. ബാബു, പ്രസിഡന്റ്‌ കെ.എ. മത്തായി, സെക്രട്ടറി എം.വി. വര്‍ഗീസ്‌, ബിജു കുര്യാക്കോസ്‌ എന്നിവര്‍ പ്രസംഗിച്ചു. കുടുംബയൂണിറ്റുകളുടെ കലാമത്സരങ്ങളില്‍ വിജയികളായ മേക്കടമ്പ്‌ സെന്റ്‌ തോമസ്‌ കുടുംബയൂണിറ്റിനും, റാലിയില്‍ മികച്ച യൂണിറ്റിന്‌ ഊരമന സെന്റ്‌ പീറ്റേഴ്‌സിനും മെത്രാപ്പോലീത്ത സമ്മാനങ്ങള്‍ വിതരണം ചെയ്‌തു
No comments:
Post a Comment