കോട്ടയം: ക്‌നാനായ കോണ്‍ഗ്രസിന്റെ ആഭിമുഖ്യത്തില്‍ മൂന്നു ദിവസമായി നടന്നുവരുന്ന ക്‌നാനായ വാര്‍ഷിക സംഗമം ഇന്നു സമാപിക്കും. നീലംപേരൂര്‍ സെന്റ്‌ ജോര്‍ജ്‌ ക്‌നാനായ വലിയ പള്ളിയില്‍ (മാര്‍ ക്ലീമീസ്‌ നഗര്‍)സംഗമത്തിന്റെ സമാപന സമ്മേളനം ഇന്നു വൈകുന്നേരം മുഖ്യമന്ത്രി ഉമ്മന്‍ചാണ്ടി ഉദ്‌ഘാടനം ചെയ്യും. കേന്ദ്രമന്ത്രി കെ.സി. വേണുഗോപാല്‍, ജോസഫ്‌ മാര്‍ത്തോമ്മാ മെത്രാപ്പോലീത്താ തുടങ്ങിയവര്‍ പങ്കെടുക്കും.
ആര്‍ച്ച്‌ ബിഷപ്‌ കുര്യാക്കോസ്‌ മാര്‍ സേവേറിയോസ്‌ വലിയ മെത്രാപ്പോലീത്താ അധ്യക്ഷത വഹിക്കും. രാവിലെ നടക്കുന്ന പ്രതിഭാ സംഗമം വൈദ്യുതി മന്ത്രി ആര്യാടന്‍ മുഹമ്മദ്‌ ഉദ്‌ഘാടനം ചെയ്യും. എം.എ. കുര്യാക്കോസ്‌ കോര്‍ എപ്പിസ്‌കോപ്പാ അധ്യക്ഷത വഹിക്കും. ഇന്നലെ നടന്ന സാംസ്‌കാരിക സമ്മേളനം മന്ത്രി തിരുവഞ്ചൂര്‍ രാധാകൃഷ്‌ണന്‍ ഉദ്‌ഘാടനം ചെയ്‌തു.കുര്യാക്കോസ്‌ മാര്‍ ഈവാനിയോസ്‌ മെത്രാപ്പോലീത്താ അധ്യക്ഷത വഹിച്ചു. മന്ത്രി കെ.എം. മാണിയാണു സംഗമം ഉദ്‌ഘാടനം ചെയ്തത്. സംഗമത്തില്‍ കലാമത്സരങ്ങള്‍, വനിതാ സമ്മേളനം, സാംസ്‌കാരിക സമ്മേളനം എന്നിവയും നടന്നു.
No comments:
Post a Comment