അങ്കമാലി: അഖില മലങ്കര മര്‍ത്തമറിയം വനിതാ സമാജം വാര്‍ഷിക ക്യാമ്പ് അങ്കമാലി സെന്റ് മേരീസ് കത്തീഡ്രലില്‍ തുടങ്ങി.
ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ ക്യാമ്പ് ഉദ്ഘാടനം ചെയ്തു.
കുര്യാക്കോസ് മോര്‍ യൗസേബിയോസ് മെത്രാപ്പോലീത്ത അധ്യക്ഷനായി. മുന്‍ മന്ത്രി ജോസ് തെറ്റയില്‍, അങ്കമാലി നഗരസഭാ ചെയര്‍മാന്‍ സി.കെ. വര്‍ഗീസ്, ടൈറ്റസ് വര്‍ഗീസ് കോര്‍ എപ്പിസ്‌കോപ്പ, ഫാ. പൗലോസ് അറയ്ക്ക പറമ്പില്‍, ഫാ. വില്‍സണ്‍ വര്‍ഗീസ്, ഫാ. വര്‍ഗീസ് അരീക്കല്‍, കെ.കെ. കുര്യാക്കോസ്, കെ.പി. ബാബു, അമ്മിണി മാത്യു, ശലോമി ജോസ് എന്നിവര്‍ പ്രസംഗിച്ചു.
വിവിധ ഭദ്രാസനങ്ങളില്‍ നിന്നുമായി ആയിരത്തിലധികം വനിതാ സമാജ അംഗങ്ങള്‍ പങ്കെടുക്കുന്ന ക്യാമ്പ് ശനിയാഴ്ച സമാപിക്കും. ക്യാമ്പിനോടനുബന്ധിച്ച് ബൈബിള്‍ ക്വിസ്, ബൈബിള്‍ ക്ലാസ്, ധ്യാനം തുടങ്ങിയവ ഉണ്ടാകും. ശനിയാഴ്ച വിശുദ്ധ കുര്‍ബാനയ്ക്കു ശേഷം നടക്കുന്ന സമാപന സമ്മേളനം എബ്രഹാം മോര്‍ സേവേറിയോസ് മെത്രാപ്പോലീത്ത ഉദ്ഘാടനം ചെയ്യും
No comments:
Post a Comment