മക്കളുടെയും ഗുരുനാഥനായ മാര്‍ ഏലിയാസറിന്റെയും ഓര്‍മപ്പെരുന്നാള്‍ 24-നു തുടങ്ങും. ഒന്‍പതു നോമ്പാചരണത്തോടെ ഓഗസ്‌റ്റ് ഒന്നിനു സമാപിക്കും.
തിരുവസ്‌ത്ര സ്‌ഥാപന വാര്‍ഷികദിനമായ 24-ന്‌ 8.30-നു കുര്യാക്കോസ്‌ മാര്‍ തെയോഫിലോസിന്റെ മുഖ്യ കാര്‍മികത്വത്തില്‍ മൂന്നിന്മേല്‍ കുര്‍ബാനയും കൊടി ഉയര്‍ത്തലും നടക്കും.
നോമ്പ്‌് ദിനങ്ങളില്‍ അഞ്ചിന്മേല്‍ കുര്‍ബാനയിലും മൂന്നിന്മേല്‍ കുര്‍ബാനയിലും ഗീവര്‍ഗീസ്‌ മാര്‍ ദീവന്നാസിയോസ്‌, മാത്യൂസ്‌ മാര്‍ തേവോദോസിയോസ്‌, കുര്യാക്കോസ്‌ മാര്‍ ഈവാനിയോസ്‌, കുര്യാക്കോസ്‌ മാര്‍ യൗസേബിയോസ്‌, ഏലിയാസ്‌ മാര്‍ അത്താനാസിയോസ്‌, തോമസ്‌ മാര്‍ തീമോത്തിയോസ്‌, ഐസക്ക്‌ മാര്‍ ഒസ്‌താത്തിയോസ്‌ എന്നിവര്‍ മുഖ്യ കാര്‍മികത്വം വഹിക്കും. ദിവസവും രാവിലെ 10.30-നു ധ്യാനയോഗം, 12-ന്‌ ഉച്ചനമസ്‌ക്കാരം, 6.30-നു സന്ധ്യാപ്രാര്‍ഥന.
പ്രധാന പെരുന്നാള്‍ ദിനമായ ഓഗസ്‌റ്റ് ഒന്നിനു രാവിലെ എട്ടിനു നമസ്‌കാരം, ഒന്‍പതിന്‌ എപ്പിസ്‌കോപ്പല്‍ സിനഡ്‌ സെക്രട്ടറി ജോസഫ്‌ മാര്‍ ഗ്രീഗോറിയോസ്‌ മെത്രാപ്പോലീത്തായുടെ പ്രധാന കാര്‍മികത്വത്തില്‍ ഒന്‍പതിന്മേല്‍ കുര്‍ബാന അര്‍പ്പിക്കും. കുട്ടികളെ അടിമവയ്‌പ്, മൂന്നിനു പ്രദക്ഷിണം, നാലിനു പാച്ചോര്‍ നേര്‍ച്ച എന്നിവയോടെ പെരുന്നാള്‍ സമാപിക്കും. ഇറാക്കില്‍ കരക്കോശിലെ മര്‍ത്തശ്‌മൂനി ദേവാലയത്തില്‍ നിന്നു കൊണ്ടുവന്ന തിരുവസ്‌ത്രം പെരുന്നാള്‍ ദിനങ്ങളില്‍ വണങ്ങുന്നതിനു സൗകര്യമൊരുക്കും. വികാരി ഫാ. മാണി കല്ലാപ്പുറത്ത്‌, ഫാ. പീറ്റര്‍ കുത്തുകല്ലുങ്കല്‍ എന്നിവര്‍ നേതൃത്വം നല്‍കും. ട്രസ്‌റ്റി ബേബി ലൂക്കോസ്‌ പെരുമണ്ണിക്കാലാനിരപ്പേല്‍, സെക്രട്ടറി അലക്‌സാണ്ടര്‍ ഉതുപ്പ്‌ താലിമൂട്ടില്‍, തമ്പി കെ. വര്‍ഗീസ്‌ കുന്നത്ത്‌, സി.സി. വര്‍ഗീസ്‌ ചാക്കാശേരില്‍ എന്നിവര്‍ കണ്‍വീനര്‍മാരായി കമ്മിറ്റികള്‍ രൂപീകരിച്ചു.
No comments:
Post a Comment