തിരുവാങ്കുളം: കൊച്ചി ഭദ്രാസന ആസ്‌ഥാനമായ ക്യംത സെമിനാരിയില്‍ ധ്യാനയോഗവും ഡോ. തോമസ്‌ മാര്‍ ഒസ്‌താത്തിയോസിന്റെയും മൂക്കഞ്ചേരില്‍ ഗീവര്‍ഗീസ്‌ റമ്പാന്റെയും ശ്രാദ്ധപ്പെരുന്നാളും 23, 24 തീയതികളില്‍ നടക്കും. 23ന്‌ രാവിലെ 10 മുതല്‍ നടക്കുന്ന ധ്യാനയോഗത്തിന്‌ മലബാര്‍ ഭദ്രാസനാധിപന്‍ സഖറിയാസ്‌ മാര്‍ ഫീലക്‌സിനോസ്‌ നേതൃത്വം നല്‍കും. 24ന്‌ രാവിലെ 8.45ന്‌ ഐസക്‌ മാര്‍ ഒസ്‌താത്തിയോസ്‌ മെത്രാപ്പോലീത്തായുടെ മുഖ്യകാര്‍മികത്വത്തില്‍ വിശുദ്ധ മൂന്നിന്മേല്‍ കുര്‍ബാന. തുടര്‍ന്നു നടക്കുന്ന ധ്യാനയോഗത്തില്‍ മന്ത്രിമാരായ ടി.എം. ജേക്കബിനും കെ. ബാബുവിനും സ്വീകരണം നല്‍കും. വിവിധ പരീക്ഷകളില്‍ ഉന്നത വിജയം നേടിയ വിദ്യാര്‍ഥികള്‍ക്ക്‌ ക്യാഷ്‌ അവാര്‍ഡും മൊമെന്റോയും വിതരണം ചെയ്യും. നിര്‍ധനരായവര്‍ക്കുള്ള അരി വിതരണവും നടക്കും. 11.45 നു നടക്കുന്ന നേര്‍ച്ചസദ്യ കൊച്ചി ഭദ്രാസനാധിപന്‍ ജോസഫ്‌ മാര്‍ ഗ്രിഗോറിയോസും മൈലാപൂര്‍ ഭദ്രാസനാധിപന്‍ ഐസക്‌ മോര്‍ ഒസ്‌താത്തിയോസും ആശീര്‍വദിക്കും.
No comments:
Post a Comment