കൊച്ചി: വ്യാവസായിക കേരളത്തിനു വിലപ്പെട്ട സംഭാവനകള്‍ നല്‍കിയ അന്നാ- കിറ്റെക്‌സ് ഗ്രൂപ്പ്‌ സ്‌ഥാപകനും ചെയര്‍മാനുമായ എം.സി. ജേക്കബ്‌ (78) അന്തരിച്ചു. ഇന്നലെ വൈകിട്ട്‌ 5.40-ന്‌ ഇടപ്പള്ളി അമൃത ആശുപത്രിയിലായിരുന്നു അന്ത്യം. സംസ്‌കാരം ഇന്നു വൈകിട്ട്‌ നാലിനു കിഴക്കമ്പലം സെന്റ്‌ പീറ്റേഴ്‌സ് ആന്‍ഡ്‌ സെന്റ്‌ പോള്‍ യാക്കോബായ സിറിയന്‍ പള്ളിയില്‍. രണ്ടുവര്‍ഷമായി അര്‍ബുദചികിത്സയിലായിരുന്നു. രണ്ടുദിവസം മുമ്പ്‌ അമൃത ആശുപത്രിയില്‍ പ്രവേശിപ്പിച്ച ജേക്കബിന്‌ ഇന്നലെ ഹൃദ്രോഗബാധയുണ്ടായി. മരണസമയത്തു ഭാര്യ ഏലിയാമ്മ, അന്ന കിറ്റെക്‌സ് ഗ്രൂപ്പ്‌ മാനേജിംഗ്‌ ഡയറക്‌ടര്‍മാരായ മക്കള്‍ ബോബി എം. ജേക്കബ്‌, സാബു എം. ജേക്കബ്‌ എന്നിവര്‍ സമീപമുണ്ടായിരുന്നു. കേരളത്തില്‍ ഏറ്റവും കൂടുതല്‍ പേര്‍ക്കു സ്വകാര്യമേഖലയില്‍ തൊഴില്‍ നല്‍കുന്ന വ്യവസായസംരംഭങ്ങളുടെ അധിപനായിരുന്നു എം.സി. ജേക്കബ്‌. 12 വ്യവസായ യൂണിറ്റുകളിലായി അന്ന കിറ്റെക്‌സ് ഗ്രൂപ്പ്‌ പതിനയ്യായിരത്തോളം പേര്‍ക്കു നേരിട്ടു തൊഴില്‍ നല്‍കുന്നു.
No comments:
Post a Comment