നെച്ചൂര്‍ പള്ളി ഇടവക ദിനാഘോഷവും സമൂഹ വിവാഹവും

നെച്ചൂര്‍: സെന്റ് തോമസ് യാക്കോബായ സുറിയാനി പള്ളിയുടെ ഇടവക ദിനാഘോഷവും കുടുംബസംഗമവും സമൂഹ വിവാഹവും മെയ് ഒന്നിന് നടത്തും. ഞായറാഴ്ച രാവിലെ 7.15ന് കുര്‍ബാന 9.15ന് കൊടിയുയര്‍ത്തല്‍. 12.30ന് സമൂഹ വിവാഹ കൂദാശ എന്നിവ നടക്കും. കുടുംബ യൂണിറ്റുകളുടെ സംയുക്താഭിമുഖ്യത്തില്‍ നെച്ചൂര്‍ സെന്റ് തോമസ് യാക്കോബായ സുറിയാനി പള്ളി പ്രെയര്‍ ഹാളില്‍ പൊതുസമ്മേളനം നടക്കും.



ഉച്ചയ്ക്ക് രണ്ടിന് ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ സമ്മേളനം ഉദ്ഘാടനം ചെയ്യും. കണ്ടനാട് ഭദ്രാസനാധിപന്‍ ഡോ. മാത്യൂസ് മാര്‍ ഈവാനിയോസ് മെത്രാപ്പോലീത്ത അധ്യക്ഷത വഹിക്കും. സുന്നഹദോസ് സെക്രട്ടറി ജോസഫ് മാര്‍ ഗ്രീഗോറിയോസ് മെത്രാപ്പോലീത്ത അനുഗ്രഹ പ്രഭാഷണം നടത്തും.