നടമേല്‍ പള്ളിയില്‍ ഹാശാ ആഴ്‌ചയിലെ ഒരുക്കങ്ങളായി

തൃപ്പൂണിത്തുറ: നടമേല്‍ മര്‍ത്തമറിയം യാക്കോബായ പള്ളിയില്‍ ഹാശാ ആഴ്‌ചയിലെ ആരാധന ചടങ്ങുകള്‍ക്ക്‌ ഒരുക്കങ്ങള്‍ പൂര്‍ത്തിയായി.

ഇന്നു രാവിലെ 7.30ന്‌ കുര്‍ബാന, വൈകിട്ട്‌ 4ന്‌ കുമ്പസാരം, 6ന്‌ സന്ധ്യാപ്രാര്‍ഥന, നാളെ രാവിലെ 7.30നു കുര്‍ബാന, 8.45ന്‌ ധ്യാനയോഗം, വൈകിട്ട്‌ 4ന്‌ കുമ്പസാരം, 6നു സന്ധ്യാപ്രാര്‍ഥന. ഓശാന ഞായറാഴ്‌ച രാവിലെ 7.30ന്‌ ഓശാന ശുശ്രൂഷള്‍ ആരംഭിക്കും. തുടര്‍ന്നു കുര്‍ബാന. വൈകിട്ട്‌ 6ന്‌ സന്ധ്യാപ്രാര്‍ഥന. 18നു വൈകിട്ട്‌ 6ന്‌ സന്ധ്യാപ്രാര്‍ഥന, 19നു വൈകിട്ട്‌ 6ന്‌ സന്ധ്യാപ്രാര്‍ഥന. 20നു രാവിലെ 9 മുതല്‍ കുമ്പസാരം, 12ന്‌ ഉച്ചനമസ്‌കാരം, വൈകിട്ട്‌ 6ന്‌ സന്ധ്യാപ്രാര്‍ഥന.

രാത്രി 7.30നു പെസഹായുടെ ശുശ്രൂഷകള്‍ ആരംഭിക്കും. തുടര്‍ന്ന്‌ വിശുദ്ധ കുര്‍ബാനയും കുര്‍ബാന അനുഭവവും ഉണ്ടായിരിക്കും. പെസഹാ വ്യാഴാഴ്‌ച വൈകിട്ട്‌ 6നു സന്ധ്യാപ്രാര്‍ഥന.

ദുഃഖവെള്ളിയാഴ്‌ച രാവിലെ 8ന്‌ യാമപ്രാര്‍ഥനകള്‍ ആരംഭിക്കും. തുടര്‍ന്നു ധ്യാനപ്രസംഗം, സ്ലീബാ വന്ദനം, കബറടക്കം.

ദുഃഖശനിയാഴ്‌ച രാവിലെ 9നു കുര്‍ബാന, തുടര്‍ന്ന്‌ പരേതര്‍ക്കു വേണ്ടി സെമിത്തേരിയില്‍ പ്രത്യേക പ്രാര്‍ഥന. വൈകിട്ട്‌ 6ന്‌ സന്ധ്യാപ്രാര്‍ഥന. ഉയര്‍പ്പ്‌ പെരുന്നാളിന്റെ ശുശ്രൂഷകള്‍ ശനിയാഴ്‌ച രാത്രി 7.30ന്‌ ആരംഭിക്കും. തുടര്‍ന്നു പ്രദക്ഷിണം, സ്ലീബാവന്ദനം, കുര്‍ബാന എന്നിവയോടെ ചടങ്ങുകള്‍ സമാപിക്കും.

ഫാ. ഗീവര്‍ഗീസ്‌ മണക്കാട്ട്‌, ഫാ. ഷമ്മി ജോണ്‍ എരമംഗലത്ത്‌ എന്നിവര്‍ ചടങ്ങുകള്‍ക്കു നേതൃത്വം വഹിക്കും.