പറവൂര്‍: പറവൂര്‍ സെന്റ്‌ തോമസ്‌ യാക്കോബായ സുറിയാനി പള്ളിയില്‍ കബറടങ്ങിയിട്ടുള്ള പരിശുദ്ധ അബ്‌ദുള്‍ ജലീല്‍ മോര്‍ ഗ്രീഗോറിയോസ്‌ ബാവയുടെ മൂന്നുറ്റിമുപ്പതാമത്‌ ശ്രാദ്ധപെരുന്നാളിനോടനുബന്ധിച്ച്‌ ഇന്നലെ നടന്ന നേര്‍ച്ചസദ്യയില്‍ പതിനായിരങ്ങള്‍ പങ്കെടുത്തു. ഉച്ചക്കു 12.30ന്‌ ആരംഭിച്ച നേര്‍ച്ചസദ്യ മണിക്കൂറുകളോളം നീണ്ടു. രാവിലെ നടന്ന കുര്‍ബാനക്കു ശ്രേഷ്‌ഠ കാതോലിക്കയും ഭദ്രാസന മെത്രാപോലീത്തയുമായ ഡോ. ആബൂന്‍ മോര്‍ ബസേലിയോസ്‌ തോമസ്‌ പ്രഥമന്‍ ബാവ മുഖ്യകാര്‍മികത്വം വഹിച്ചു. സിംഹാസന പള്ളികളുടെ സഹായ മെത്രാപോലീത്ത ഗീവര്‍ഗീസ്‌ മോര്‍ അത്താനാസിയോസ്‌, ഡോ. ജോസഫ്‌ മോര്‍ ഗ്രിഗോറിയോസ്‌, ഡോ. കുര്യാക്കോസ്‌ മോര്‍ ക്ലിമ്മിസ്‌ മെത്രാപോലീത്ത എന്നിവര്‍ സഹകാര്‍മികരായിരുന്നു. നേര്‍ച്ചസദ്യ ഗീവര്‍ഗീസ്‌ മോര്‍ അത്താനാസിയോസാണ്‌ ആശിര്‍വദിച്ചത്‌. വൈകിട്ട്‌ പെരുന്നാള്‍ സമാപനവും കൊടിയിറക്കും നടന്നു.
No comments:
Post a Comment