നെടുമ്പാശ്ശേരി : മഞ്ഞനിക്കരയില്‍ കബറടങ്ങിയിട്ടുള്ള പരിശുദ്ധ ഏല്യാസ് തൃതീയന്‍ പാത്രിയര്‍ക്കീസ് ബാവയുടെ ദുഖ്‌റോന പെരുന്നാളിന് പരിശുദ്ധ സഖാപ്രഥമന്‍ പാത്രിയര്‍ക്കീസ് ബാവയുടെ പ്രതിനിധിസംഘം എത്തി. വ്യാഴാഴ്ച രാവിലെ എമിറേറ്റ്‌സ് എയര്‍ ലൈന്‍സ് വിമാനത്തില്‍ ദമാസ്‌ക്കസില്‍ നിന്നെത്തിയ 20 പേരെ കൊച്ചി രാജ്യാന്തര വിമാനത്താവളത്തില്‍ യാക്കോബായ സഭയുടെ നേതൃത്വത്തില്‍ വരവേറ്റു.
ബെയ്‌റൂട്ട് ആര്‍ച്ച് ബിഷപ്പ് ഡാനിയേല്‍ മാക്ലിമീസ്, ലണ്ടന്‍ പാത്രിയര്‍ക്കല്‍ വികാര്‍ തോമസ് മാര്‍ അത്തനാസിയോസ് മെത്രാപ്പോലീത്ത എന്നിവരുടെ നേതൃത്വത്തിലാണ് ഇവര്‍ എത്തിയിട്ടുള്ളത്. പരിശുദ്ധ ഏല്യാസ് ബാവയുടെ കുടുംബാംഗങ്ങളും സംഘത്തിലുണ്ട്. ഇന്ത്യയില്‍ കബറടങ്ങിയിട്ടുള്ള ഏക അന്ത്യോഖ്യാ പാത്രിയര്‍ക്കീസ് ബാവയാണ് പരിശുദ്ധ ഏല്യാസ് തൃതീയന്‍.
മെത്രാപ്പോലീത്തമാരായ ജോസഫ് മാര്‍ ഗ്രിഗോറിയോസ്, ഗീവര്‍ഗീസ് മാര്‍ അത്തനാസിയോസ് , സ്ലീബ കാട്ടുമങ്ങാട്ട് കോര്‍ എപ്പിസ്‌കോപ്പ, സഭാ മാനേജിങ് കമ്മിറ്റി അംഗം സി.വൈ. വര്‍ഗീസ് തുടങ്ങിയവരുടെ നേതൃത്വത്തിലാണ് പാത്രിയര്‍ക്കാ പ്രതിനിധി സംഘത്തിന് വിമാനത്താവളത്തില്‍ സ്വീകരണം നല്‍കിയത്. തുടര്‍ന്ന് സംഘം പുത്തന്‍കുരിശ് പാത്രിയര്‍ക്കാ സെന്ററിലേക്ക് പോയി. ഒരാഴ്ച കേരളത്തിലുണ്ടാകും.
No comments:
Post a Comment