പറവൂര്‍: ക്രൈസ്തവസഭകളുടെ കാര്യങ്ങളില്‍ ഇടപെടാന്‍ ആര്‍. ബാലകൃഷ്ണപിള്ളയ്ക്ക് അവകാശമില്ലെന്നും അദ്ദേഹത്തിന്റെ ഇതുസംബന്ധിച്ച പ്രസ്താവന അപലപനീയമാണെന്നും യാക്കോബായ സുറിയാനി സഭ യൂത്ത് അസോസിയേഷന്‍ സംസ്ഥാന കമ്മിറ്റി അഭിപ്രായപ്പെട്ടു.
എല്ലാവരാലും ആദരിക്കപ്പെടുന്ന നിരണം ഭദ്രാസനാധിപനായ ഡോ. ഗീവര്‍ഗീസ് മോര്‍ കുറിലോസ് മെത്രാപ്പോലീത്തയെ വിവാദങ്ങളിലേക്ക് വലിച്ചിഴക്കുന്ന നടപടി തീര്‍ത്തും അപലപനീയംതന്നെയെന്ന് കേന്ദ്ര ജന. സെക്രട്ടറി ബിജു സ്‌കറിയ, കെ.സി. പോള്‍, ബൈജു മാത്തറ, റജി പി. വര്‍ഗീസ്, ജോസ് സ്ലീബാ, സിനോള്‍ വി. സാജു എന്നിവര്‍ പ്രസ്താവനയില്‍ പറഞ്ഞു. ശ്രേഷ്ഠ കാതോലിക്ക ഡോ. ആബൂന്‍ മോര്‍ ബസേലിയോസ് തോമസ് പ്രഥമന്‍ ബാവയുടെ എല്ലാ നടപടികളോടും പൂര്‍ണമായി പിന്തുണച്ച് മുന്നോട്ടുപോകുമെന്നും പ്രസ്താവനയില്‍ പറയുന്നു.
No comments:
Post a Comment